|
U prvom današnjem derbiju imali smo do kocena zanimljivu tekmu. Futački sinovi nesreće dosta dugo su se kvalitetno držali protiv Šofera, malo umornih od zaostale tekme. Mlade snage Futačkih sinova su i kvalitetno navirale na Slaveka koji je denes, začudo, baš bil dobro rapoložen kak i Duba na kontra strane. Ali onda mali trenutak dekoncentracije, Duba si ne mogel pomoći, i penalček koji je sve okrenul. Šoferi su sad ležeše zdihali i tak raskomočeni uspeli su piknuti još dva komada i zadržali šamse za sam vrh.
|
|
Odma da velimu: i Jura fon Lackov, poznatiji kao Jura Borovi je došel na tekmu. Kad je on došel, onda znate da se nekaj grdoga zdogaja i da to ne obična tekma. A tekma. Teška i trda. Negdo gdo nezna kak je na Breške lige bi rekel, buju to Šumari dobili, onak, z malo naprezanja. Ali taj gdo tak misli nezna Kauboje koji se nigdar ne predaju. Uža obrambena linija od 240 kili kvalitetne žive vage se ne dala navleči na tenki led, a naprvo su Jasmin, Matija i tata Joža delali veliko sranje u obrane Šumara. Šumari pomalo bez glave i repa navalivaju, a Kauboju dvaput zabijaju. I vodiju naši Kauboji. Na jene strane igrališta, obojane u cifraste boje, radost i veselje, na druge, obojane vu zlatnožutu, tradicionalnu šilakovečku boju, muk i neverica. Pa jel to more biti tak, pa zakaj pak. Je, more to tak biti, morti je denes jen od one danof za Šumare kaj se mora dogoditi da nebuju. Šumarima nejde, a morali bi. Vidimo onak ze strane: Buša koše pene, deda Mrki žmiče vuru i pivu i lasi mu samo još jače beliju, Joža Miškov se samo premešča z jene noge na drugu od neuroze, tata Rakič je ostal bez zraka dok Ruzlina to nikaj, na prvi pogled, ne dira, on je v mislima kak bu ovogodišnja berba ispala i jel bumo pak imali dobroga vina za piti. A da mu je vino dobro, je. Ali Šumari, unatoč zaostatku stišču, pritišču i umaraju te naše kaubojske bečare, Maca i Barbija. I kad već jen od nje dve ne nikak mogel, moral si je povrnuti sapu i farbu v lice, u tem času su Šumari nekak na jedvite jade narivali jenoga. I onda je krenula osma ofanziva na gol Kaubojof. Kanonada ze se strani, umorne noge Kaubojof to nisu mogle pratiti i odeju bodeki v Šiku. Tona je na moru, na Krku pri krkanima, ne svojom voljom, nego voljom gazde u kući, i bil je celo vreme na direktne veze z ekipum, je glasno kriknul, tak jako da su susedi zvali muriju da mu se ne kaj dogodilo. Ne mu se nikaj dogodilo, nek je zel novui mrzlu pivu od 8 eura, uz dozvolu gazde v hiže, i vmorill ju je v jenem cugu. Deda Mrki je dobil ponovo normalnu farbu v licu, Buša je pustil dve suze z levoga oka, tata Rakič je oživel i odma pozval sebe na šank, Joža Miškov je završil z pivum kaje imal, a Ruzlin je i dalje ............
|
|
I za kraj derbi dana. Prekrasna tekma, puna lijepih poteza, razmišljanja samo o igranju i prospireitetu svoje ekipe. Miši u pojačanom sastavu, velemajstor Panki je došel pomoći ekipe koliko je to u njegovoj možći dok su Divovi malo oslabljeni nedostatkom tri važna faktora u ekipe. Jeden je na moru, ladi jaja, dok je drugomu došla punica z Nemaćke i treba malo obehajati okoli nje, a trejti je negde tu v čošku i glumi glumina banku. Bez obzira na to, mlade snage i Mišof i Divof se nadigravaju, prezentiraju nam svu ljepotu ove prekrasne igre. Pri Mišom, Panki, ovak nezalečen do kraja, pokazuje zakaj je već godinama jeden od najjače igračov na lige, podršku mu daje vragometni Leon, ugodno osvježenje momčadi i Lige, dok otraga Korda, Marko i Damir držiju čvrstinu i sigurnost ekipe. Na druge strane vu timu Divoviv su dečeci Dino, Danny i Manci koji pokazuju da znaju i moreju, da se nebojiju starije dečkof i sportski bezobrazno navaljuju naprvo. Svega ima, samo još nema golof koji su došli u drugom polčasu, na sake strane po jen. Svi možemo biti sretni i ponosni na mlade dečke koji su se denes loptali, rezultat bumo pustili na stranu, i omogućili gledateljstvu da uživaju u potezima i koji su pokazali da imamo mlade dečkof na Bregima koji buju nastavili ovu našu priču.
|
